यी कुलशेखर आल्वार् केरल देशको “तिरुवञ्जिक्कलम्” नामक दिव्यदेशमा राजकुमारको रूपमा अवतरित हुनुभएको थियो । विशिष्ट पराक्रमको साथमा अत्यद्भुत भक्तिभाव पनि उहाँमा थियो । भागवतोत्तमहरूप्रति उहाँको निष्ठा र आस्था असाधारण थियो । कुम्भमासको 'पुनर्वसु' उहाँको अवतारनक्षत्र हो । श्रीरामचन्द्रप्रभुका चरणारविन्दमा उहाँको आर्ति र अभिनिवेश अतिविलक्षण थियो ।।

“कुलशेखरप्पेरुमाल्” भन्ने नामले उहाँ सुप्रसिद्ध

हुनुभयो । श्रीरङ्गनाथको दर्शन गरौं भन्ने उहाँको दृढ अभिलाषालाई भगवान्ले धेरै नै परिपक्व बनाएर दर्शन दिनुभयो । श्रीरङ्गनाथभगवान्‌को वैभवको वर्णनसँगै उहाँको दिव्यप्रबन्ध प्रारम्भ भएको छ । "पेरुमाल्तिरुमोलि” उहाँले गाएको दिव्यप्रबन्ध हो । यसमा १०५ गाथा (पाशुर) हरू छन् । १० दिव्य देशहरूको उहाँले मङ्गलाशासन गर्नुभएको छ । यस प्रबन्धका प्रत्येक दर्शकहरू, भक्तिरसले भरिएका छन् । उहाँमा विद्यमान ज्ञान-भक्ति-वैराग्य आदि गुणहरू लोकोत्तर थिए । तिरुमल (वेङ्कटाद्रि) क्षेत्रमा उहाँको भक्तिभाव असदृश थियो । श्रीवेङ्कटाचलमा तिर्यक्-स्थावर कुनै रूपमा पनि भगवान्‌को पर्वतसँग सम्बन्धित मेरो जन्म होस् भनेर उहाँले “एम्बेरुमान्पोन्मलैमेल् एदेनुमावेने” यस उक्तिद्वारा उक्त भावलाई व्यक्त गर्नुभएको छ ।।

यहाँको अवतार तनियन्-

कुम्भे पुनर्वसौ जातं केरले चोलपट्टणे ।

कौस्तुभांशं धराधीशं कुलशेखरमाश्रये ।।

परिचय

अन्य आलवारहरू

• श्रीभक्ता‌ङ्घिरेणु (तोण्डरडिप्पोडियाल्वार्)
• सरोयोगी (पोय्कैआल्वार)
• भूतयोगी (पूदत्ताल्वार)
• महायोगी (पेयाल्वार)