श्रीवैष्णव सम्प्रदाय भगवान श्रीमन्नारायणलाई परमेश्वर मानी उहाँको भक्ति, शरणागति (प्रपत्ति) र सेवालाई जीवनको मुख्य साधन मान्ने वैदिक परम्परा हो। यस सम्प्रदायलाई भगवत् श्रीरामानुजाचार्यले विशिष्टाद्वैत वेदान्तका आधारमा व्यवस्थित रूपमा स्थापित गर्नुभएको हो।

श्रीरामानुज स्वामी (श्रीरामानुजाचार्य) श्रीवैष्णव सम्प्रदायका महान् आचार्य, दार्शनिक तथा समाज सुधारक हुनुहुन्छ। उहाँको जन्म वि.सं. १०७४ (ई.सं. १०१७) मा भारतको श्रीपेरुम्बुदूर (तमिलनाडु) मा भएको मानिन्छ। उहाँले विशिष्टाद्वैत वेदान्त दर्शनलाई व्यवस्थित रूपमा स्थापित गरी भगवान श्रीमन्नारायणप्रति भक्ति, शरणागति (प्रपत्ति) र सेवाको मार्गलाई व्यापक रूपमा प्रचार–प्रसार गर्नुभयो।