श्रीसत्यनारायण मन्दिर, नुवाकोट

सम्पर्क: श्रीश्रीश्री त्रिदण्डी रामप्रपन्नाचार्य जीयर स्वामीजी (मठाधीश), ९८४१५८९४३२

श्री सत्यनारायण मन्दिरको शिलान्यास वि.सं. २०५२ साल माघ १८ गते तत्कालीन परराष्ट्र मन्त्री रामशरण महत द्वारा गरिएको थियो। मन्दिरमा वि.सं. २०५९ सालमा प्राणप्रतिष्ठा गरिएको हो। वि.सं. २०७२ सालको भूकम्पपछि २०७३ सालमा मन्दिरको पुनर्निर्माण गरिएको थियो।

यस मन्दिरसँग सम्बन्धित विद्यार्थी आवासीय सेवाको सुरुवात १० जना विद्यार्थीबाट भएकोमा हाल २७ जना विद्यार्थी रहेका छन्।

श्री सत्यनारायण मन्दिरमा १००८ शालिग्रामको विशेष सेवा तथा पूजाको व्यवस्था रहेको छ। यहाँ श्री सत्यनारायण भगवान्को चल तथा अचल विग्रहका साथै श्री रामानुज स्वामीजीको अचल विग्रह पनि प्रतिष्ठित रहेको छ।

विद्यार्थी आवासीय सेवा

यस मन्दिरमा विद्यार्थी आवासीय सेवाको सुरुवात १० जना विद्यार्थीबाट भएको थियो। समयक्रममा विद्यार्थीको संख्या बढ्दै ५० जनासम्म पुगेको थियो भने हाल २७ जना विद्यार्थी यस सेवाबाट लाभान्वित भइरहेका छन्।

यस मन्दिरको नियमित तथा स्थायी आयस्रोत नभएकाले विद्यार्थीहरूको आवास, भोजन, शिक्षा तथा दैनिक आवश्यकतासम्बन्धी सेवा–सुविधा हालसम्म देश तथा विदेशका विभिन्न दयालु भक्त, भागवत तथा श्रद्धालु महानुभावहरूको सहयोग र दानबाट सञ्चालन हुँदै आएको छ।

हालै भोटेकोशीमा आएको बाढीका कारण रसुवा, नुवाकोट तथा धादिङ क्षेत्रबाट प्राप्त हुँदै आएको सहयोगसमेत प्रभावित भएको अवस्था छ। साथै, गल्छी–पृथ्वी राजमार्गमा यातायात अवरुद्ध हुँदा विभिन्न धार्मिक तथा श्रद्धालु भक्तजनहरूको आवागमनमा समेत कमी आएको छ।

यस परिस्थितिका कारण विद्यार्थीहरूको दैनिक सेवा–सुविधामा केही कमी आउन थालेको अवस्था छ। यस्तो कठिन समयमा विद्यार्थीहरूको भोजन, शिक्षा, आवास तथा दैनिक आवश्यकताहरू निरन्तर सञ्चालन गर्न देश–विदेशमा रहनुभएका सम्पूर्ण भक्तजन, भागवत तथा शुभेच्छुक महानुभावहरूमा यथाशक्य सहयोग तथा दानका लागि हार्दिक अनुरोध गर्दछौँ।

मन्दिर विवरण